sail ke labon par hai dua aur tarah ki
saa.il ke laboñ par hai duā aur tarah kī
aflāk se aatī hai sadā aur tarah kī
hai ziist agar jurm to ai munsif-e-ālam
jurm aur tarah kā hai sazā aur tarah kī
is dil meñ hai mafhūm-e-karam aur tarah kā
us dil meñ hai tafhīm-e-vafā aur tarah kī
phūloñ kā tabassum bhī vo pahlā sā nahīñ hai
gulshan meñ bhī chaltī hai havā aur tarah kī
dete haiñ faqīroñ ko sazā aaj bhī 'kaifī'
log aur tarah se to ḳhudā aur tarah kī
sail ke labon par hai dua aur tarah ki
aflak se aati hai sada aur tarah ki
hai zist agar jurm to ai munsif-e-alam
jurm aur tarah ka hai saza aur tarah ki
is dil mein hai mafhum-e-karam aur tarah ka
us dil mein hai tafhim-e-wafa aur tarah ki
phulon ka tabassum bhi wo pahla sa nahin hai
gulshan mein bhi chalti hai hawa aur tarah ki
dete hain faqiron ko saza aaj bhi 'kaifi'
log aur tarah se to KHuda aur tarah ki
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
