ساجن کے سواگت کو سورج لایا بھر بھر تھالی دھوپ
ساجن کے سواگت کو سورج لایا بھر بھر تھالی دھوپ
خوش ہو کر دونوں ہاتھوں سے چاروں اور اچھالی دھوپ
چھن چھن کر پتوں سے دکھائے کیا کیا کلا نرالی دھوپ
بن جائے دھرتی پر کیسی سندر سندر جالی دھوپ
جب تک ساتھ تھا من موہن کا جیون کتنا سہانا تھا
چاندنی جیسے دودھ کی دھاریں جیسے مدھ کی پیالی دھوپ
تم جو نہیں تو اپنے لئے ہیں رین اور دن سب ایک سمان
بیوگ کی اندھی اندھی راتیں برہا کی کالی کالی دھوپ
آج مرے ساجن کے درشن شاید اس کو ہو نہ سکے
آج ہے پھیکا پھیکا سورج آج ہے خالی خالی دھوپ
میری اگر بھگوان سنیں تو ایک ہی بنتی ان سے کروں
بن کے بدریا چھائی رہوں میں کھائیں نہ میرے عالی دھوپ
مہرؔ ان کا نیوتا آیا ہے میں جی بھر کے گاؤں گی
چندر کرن چھیڑے گی بینا دے گی آ کر تالی دھوپ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
