sakin-e-alam-e-barbaad nahin samjhenge
sākin-e-ālam-e-barbād nahīñ samjheñge
arsh kī bāteñ zamīñ-zād nahīñ samjheñge
ek muddat se qafas meñ rahe panchhī ḳhud ko
ho ke āzād bhī āzād nahīñ samjheñge
ye zamīñ hai yahāñ jannat nahīñ banñe vaalī
baat ye asr ke shaddād nahīñ samjheñge
muskurāne kī adākārī mujhe aatī hai
mujh ko ghar vaale bhī nāshād nahīñ samjheñge
'abr' de deñge tujhe daad ye sunñe vaale
is ġhazal meñ hai jo fariyād nahīñ samjheñge
sakin-e-alam-e-barbaad nahin samjhenge
arsh ki baaten zamin-zad nahin samjhenge
ek muddat se qafas mein rahe panchhi KHud ko
ho ke aazad bhi aazad nahin samjhenge
ye zamin hai yahan jannat nahin banne wali
baat ye asr ke shaddad nahin samjhenge
muskurane ki adakari mujhe aati hai
mujh ko ghar wale bhi nashad nahin samjhenge
'abr' de denge tujhe dad ye sunne wale
is ghazal mein hai jo fariyaad nahin samjhenge
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
