samne aane pe uske aaj wahshat ho gai

sāmne aane pe us ke aaj vahshat ho ga.ī

dil kī dīvāroñ se ik tasvīr ruḳhsat ho ga.ī

is qadar taktā huuñ tanhā raat bhar yuuñ chāñd ko

'mīr' jaise bāvloñ meñ merī shohrat ho ga.ī

go na lā paa.ī ho merī chashm tāb-e-jalva-gar

diid kī puurī magar is dil kī hasrat ho ga.ī

rang-e-‘āriz se tire raushan thī saarī anjuman

chilman-e-ruḳh se tire har samt zulmat ho ga.ī

rūThtī rahtī hai mujh se har ghaḌī kyoñ āj-kal

zindagī tujh ko bhī mujh se kyā mohabbat ho ga.ī

samne aane pe us ke aaj wahshat ho gai

dil ki diwaron se ek taswir ruKHsat ho gai

is qadar takta hun tanha raat bhar yun chand ko

'mir' jaise bawlon mein meri shohrat ho gai

go na la pai ho meri chashm tab-e-jalwa-gar

did ki puri magar is dil ki hasrat ho gai

rang-e-‘ariz se tere raushan thi sari anjuman

chilman-e-ruKH se tere har samt zulmat ho gai

ruThti rahti hai mujh se har ghaDi kyon aaj-kal

zindagi tujh ko bhi mujh se kya mohabbat ho gai