samne ho mai-kada aur mai se begana rahe

sāmne ho mai-kada aur mai se begāna rahe

ye fareb-e-hosh-mandī hosh-mandāna rahe

vo gadā ho kar bhī duniyā meñ amīrāna rahe

multafit jis par tirī chashm-e-karīmāna rahe

vus.at-e-sahrā bhī jab ho tañg is ke sāmne

shahr kā pāband kaise koī dīvāna rahe

dāstān-e-shauq hai apne lahū se lāla-rañg

har zamāne meñ hamīñ unvān-e-afsāna rahe

koī aa.e yā na aa.e farq kyā hai ishq meñ

husn kī yādoñ se raushan dil kā kāshāna rahe

sab harīs-e-chashm-e-bāda-rez is mahfil meñ the

ham khulī dāvat bhī pā kar be-niyāzāna rahe

dil kī duniyā se koī baḌh kar nahīñ duniyā 'shamīm'

faḳhr us ke vāste hai jo faqīrāna rahe

samne ho mai-kada aur mai se begana rahe

ye fareb-e-hosh-mandi hosh-mandana rahe

wo gada ho kar bhi duniya mein amirana rahe

multafit jis par teri chashm-e-karimana rahe

wusat-e-sahra bhi jab ho tang is ke samne

shahr ka paband kaise koi diwana rahe

dastan-e-shauq hai apne lahu se lala-rang

har zamane mein hamin unwan-e-afsana rahe

koi aae ya na aae farq kya hai ishq mein

husn ki yaadon se raushan dil ka kashana rahe

sab haris-e-chashm-e-baada-rez is mahfil mein the

hum khuli dawat bhi pa kar be-niyazana rahe

dil ki duniya se koi baDh kar nahin duniya 'shamim'

faKHr us ke waste hai jo faqirana rahe