سامنے خنجر رکھ کر دیکھیں
سامنے خنجر رکھ کر دیکھیں
دل ہے پھول کہ پتھر دیکھیں
ایک جزیرہ ہو اور ہم تم
چاروں اور سمندر دیکھیں
اب کیا نام کی زیبائش ہی
ہر گھر کی تختی پر دیکھیں
دم خم ہے آندھی میں کتنا
آؤ دیپ جلا کر دیکھیں
آگ ہے دونوں کی آنکھوں میں
جلتا ہے کس کا گھر دیکھیں
سامنے منظر ہی آتے ہیں
آپ اثرؔ پس منظر دیکھیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
