samne sirf mera chehra hai

sāmne sirf merā chehrā hai

ye tirī yaad kā saverā hai

aaj chhoTe se ik ujāle ne

mujh ko chāroñ taraf se gherā hai

kyā ḳhabar thī ki ḳhud se ḳhālī huuñ

kyā patā thā badan ikahrā hai

jugnū jugnū jalāne vaalā tū

tujh meñ ik andhkār merā hai

dasht-e-imkāñ kā pāsbān hai kaun

in havāoñ meñ kis kā Derā hai

duur jangal meñ bas rahā hai koī

āñdhiy.oñ meñ charāġh merā hai

ai shab-e-ġham zarā sañbhāl ise

ye mirā āḳhirī añdherā hai

yak qadam bas zamīñ hamārī hai

har nazar āsmān terā hai

saañs bhar us se baat kar letā

vo yahīñ ās-pās Thahrā hai

terī yādoñ kā bahtā dariyā bhī

kitnā shaffāf kitnā gahrā hai

koī vahshat na koī vīrānī

kyā ye dasht-e-ḳhayāl merā hai

kal bhī sarf-e-ḳhayāl the sab rang

ye qalam aaj bhī sunahrā hai

samne sirf mera chehra hai

ye teri yaad ka sawera hai

aaj chhoTe se ek ujale ne

mujh ko chaaron taraf se ghera hai

kya KHabar thi ki KHud se KHali hun

kya pata tha badan ikahra hai

jugnu jugnu jalane wala tu

tujh mein ek andhkar mera hai

dasht-e-imkan ka pasban hai kaun

in hawaon mein kis ka Dera hai

dur jangal mein bas raha hai koi

aandhiyon mein charagh mera hai

ai shab-e-gham zara sanbhaal ise

ye mera aaKHiri andhera hai

yak qadam bas zamin hamari hai

har nazar aasman tera hai

sans bhar us se baat kar leta

wo yahin aas-pas Thahra hai

teri yaadon ka bahta dariya bhi

kitna shaffaf kitna gahra hai

koi wahshat na koi virani

kya ye dasht-e-KHayal mera hai

kal bhi sarf-e-KHayal the sab rang

ye qalam aaj bhi sunahra hai