samne tez hawaon ke jo uD jaega

sāmne tez havāoñ ke jo uḌ jā.egā

vo shajar dekhnā ik roz ukhaḌ jā.egā

sāf-goī kise kahte haiñ batā.ūñgā use

vāsta mujh se jo ā.īne kā paḌ jā.egā

kyā ḳhabar thī ki tire shahr meñ aa kar koī

dāġh-e-rusvā.ī tire māthe pe jaḌ jā.egā

tū bure logoñ kī sohbat se kināra kar le

varna āfāt ke daldal meñ tū gaḌ jā.egā

ye to shaitāñ ke gumāñ meñ bhī na hogā 'ālam'

is qadar aaj kā insān bigaḌ jā.egā

samne tez hawaon ke jo uD jaega

wo shajar dekhna ek roz ukhaD jaega

saf-goi kise kahte hain bataunga use

wasta mujh se jo aaine ka paD jaega

kya KHabar thi ki tere shahr mein aa kar koi

dagh-e-ruswai tere mathe pe jaD jaega

tu bure logon ki sohbat se kinara kar le

warna aafat ke daldal mein tu gaD jaega

ye to shaitan ke guman mein bhi na hoga 'alam'

is qadar aaj ka insan bigaD jaega