sans tak aata nahin ye haal hai

saañs tak aatā nahīñ ye haal hai

ishq kyā hai jaan kā janjāl hai

fitna-e-mahshar tumhārī chaal hai

har qadam par dil mirā pāmāl hai

hijr meñ kis tarah aa.egā qarār

jab tumhāre sāmne ye haal hai

vo hamāre paas kyoñ aane lage

nāma-bar kī is meñ koī chaal hai

ishq kī jo kuchh sazā ho dījiye

ham ko apne jurm kā iqbāl hai

jis meñ phañs kar koī chhūTā hī nahīñ

vo tumhāre gesuoñ kā jaal hai

tū bhī zāhid un ko dekhe to kahe

kyā javānī kyā adā kyā chaal hai

marsiya hai ye dil-e-marhūm kā

yā hamārā nāma-e-a.amāl hai

aaj se dīvāna hai 'hājir' koī

ek muddat se pareshāñ-hāl hai

sans tak aata nahin ye haal hai

ishq kya hai jaan ka janjal hai

fitna-e-mahshar tumhaari chaal hai

har qadam par dil mera pamal hai

hijr mein kis tarah aaega qarar

jab tumhaare samne ye haal hai

wo hamare pas kyon aane lage

nama-bar ki is mein koi chaal hai

ishq ki jo kuchh saza ho dijiye

hum ko apne jurm ka iqbaal hai

jis mein phans kar koi chhuTa hi nahin

wo tumhaare gesuon ka jal hai

tu bhi zahid un ko dekhe to kahe

kya jawani kya ada kya chaal hai

marsiya hai ye dil-e-marhum ka

ya hamara nama-e-amal hai

aaj se diwana hai 'hajir' koi

ek muddat se pareshan-haal hai