sanson se ye kah do ki Thahar jaen kisi din

sāñsoñ se ye kah do ki Thahar jaa.eñ kisī din

is dil pe karam itnā to farmā.eñ kisī din

ye dil ki jise rauñd ke har lamha gayā hai

parcham sā uThā kar ise lahrā.eñ kisī din

mumkin hai mire zarf kā taḳhmīna lagānā

is qāfila-e-dard ko Thahrā.eñ kisī din

is pe bhī girāñ guzregī ye ḳhū-e-jafā 'soz'

gar yaar bhī apnī pe utar aa.eñ kisī din

sanson se ye kah do ki Thahar jaen kisi din

is dil pe karam itna to farmaen kisi din

ye dil ki jise raund ke har lamha gaya hai

parcham sa uTha kar ise lahraen kisi din

mumkin hai mere zarf ka taKHmina lagana

is qafila-e-dard ko Thahraen kisi din

is pe bhi giran guzregi ye KHu-e-jafa 'soz'

gar yar bhi apni pe utar aaen kisi din