saqi apna rind bhi apne toD gaya paimane kaun

saaqī apnā rind bhī apne toḌ gayā paimāne kaun

mai-ḳhvāroñ meñ nafrat phailī aayā thā bahkāne kaun

gulshan jaise pyaas kā sahrā maalī jaise ho sayyād

hare bhare is baaġh ko yaaro rauñd gayā hai jaane kaun

fasleñ bone vaale dahqāñ pūchheñ to kis se pūchheñ

bhūsa chhoḌ ke khaliyānoñ meñ bech gayā hai daane kaun

nisf sadī kā qissa hai jab ghar ghar sūraj niklā thā

raushan manzar meñ likhtā hai zulmat ke afsāne kaun

tum bhī mulzim ham bhī mulzim dād-rasī ab kaun kare

ye barbādī jurm hai jis kā ab us ko pahchāne kaun

na.ī luġhat meñ rāhbarī ke ma.anī chorī Daaka hoñ

saare shavāhid us ke haq meñ lekin ye sach maane kaun

kashtī ko 'āshūr' na laanā bhuul ke bhī sāhil ke qarīb

sāhil par basne vāloñ meñ hai bhī terā divāne kaun

saqi apna rind bhi apne toD gaya paimane kaun

mai-KHwaron mein nafrat phaili aaya tha bahkane kaun

gulshan jaise pyas ka sahra mali jaise ho sayyaad

hare bhare is bagh ko yaro raund gaya hai jaane kaun

faslen bone wale dahqan puchhen to kis se puchhen

bhusa chhoD ke khaliyanon mein bech gaya hai dane kaun

nisf sadi ka qissa hai jab ghar ghar suraj nikla tha

raushan manzar mein likhta hai zulmat ke afsane kaun

tum bhi mulzim hum bhi mulzim dad-rasi ab kaun kare

ye barbaadi jurm hai jis ka ab us ko pahchane kaun

nai lughat mein rahbari ke mani chori Daka hon

sare shawahid us ke haq mein lekin ye sach mane kaun

kashti ko 'ashur' na lana bhul ke bhi sahil ke qarib

sahil par basne walon mein hai bhi tera diwane kaun