saqi mai-e-gul-rang mere lab se mila dekh

saaqī mai-e-gul-rañg mire lab se milā dekh

jis vaqt bahakne maiñ lagūñ tab tū maza dekh

gar dekhnā hai bulbul-e-nālāñ kā tamāsha

to bād-e-sabā baaġh meñ tū gul ko hañsā dekh

bigḌī hai shab-e-vasl to vo mujh se kahe hai

ab kī to badan ko tū mire haath lagā dekh

pīchhā tirā chhoḌeñ na kabhī bosa liye bin

do roz ham aisoñ ko zarā muñh to lagā dekh

kyā fā.eda gar us ke dil-o-jāñ kā zarar ho

'masrūr' ko yuuñ ḳhuuñ na rulā rañg-e-hinā dekh

saqi mai-e-gul-rang mere lab se mila dekh

jis waqt bahakne main lagun tab tu maza dekh

gar dekhna hai bulbul-e-nalan ka tamasha

to baad-e-saba bagh mein tu gul ko hansa dekh

bigDi hai shab-e-wasl to wo mujh se kahe hai

ab ki to badan ko tu mere hath laga dekh

pichha tera chhoDen na kabhi bosa liye bin

do roz hum aison ko zara munh to laga dekh

kya faeda gar us ke dil-o-jaan ka zarar ho

'masrur' ko yun KHun na rula rang-e-hina dekh