saqi mujhe shabab ka rasiya kahe so hun
saaqī mujhe shabāb kā rasiyā kahe so huuñ
maiñ ḳhud se be-niyāz huuñ jaisā kahe so huuñ
merī havas ke andarūñ mahrūmiyāñ haiñ dost
vāmāñda-e-bahār huuñ ghaTiyā kahe so huuñ
ab maiñ kisī kī soch badalne se to rahā
ye shahr-e-bad-gumāñ mujhe shaidā kahe so huuñ
tū hī batā maiñ apnī safā.ī meñ kyā kahūñ
tū baat baat meñ mujhe jhūTā kahe so huuñ
'dānish' ḳhud-ehtisābī kā mujh meñ nahīñ dimāġh
muñh-phaT huuñ bad-mizāj huuñ duniyā kahe so huuñ
saqi mujhe shabab ka rasiya kahe so hun
main KHud se be-niyaz hun jaisa kahe so hun
meri hawas ke andarun mahrumiyan hain dost
wamanda-e-bahaar hun ghaTiya kahe so hun
ab main kisi ki soch badalne se to raha
ye shahr-e-bad-guman mujhe shaida kahe so hun
tu hi bata main apni safai mein kya kahun
tu baat baat mein mujhe jhuTa kahe so hun
'danish' KHud-ehtisabi ka mujh mein nahin dimagh
munh-phaT hun bad-mizaj hun duniya kahe so hun
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
