saqiya jam ke pila aaKHir-e-shab

sāqiyā jam ke pilā āḳhir-e-shab

chal paḌī kaisī havā āḳhir-e-shab

mujh ko le jaa.e sitāroñ ke pare

vo jo hai hūr-numā āḳhir-e-shab

kah ga.ī mujh se ġhazal kā matla'

ḳhushbū-e-dast-e-hinā āḳhir-e-shab

ik tarannum meñ sajī ḳhāmoshī

gungunātā maiñ rahā āḳhir-e-shab

ik tire naam pe hañste rote

pūchh kyā kyā na kiyā āḳhir-e-shab

sub.h hone ko hai bīmār chalā

yaad kyā aa.ī davā āḳhir-e-shab

us parī-zād ke afsāne tamām

chāñd-tāroñ se sunā āḳhir-e-shab

ab tirī yaad ke jugnū bhī bujhe

tīrgī aur bhī sivā āḳhir-e-shab

shab-nazhād aane ko hai ai 'asrār'

raah tāroñ se sajā āḳhir-e-shab

saqiya jam ke pila aaKHir-e-shab

chal paDi kaisi hawa aaKHir-e-shab

mujh ko le jae sitaron ke pare

wo jo hai hur-numa aaKHir-e-shab

kah gai mujh se ghazal ka matla'

KHushbu-e-dast-e-hina aaKHir-e-shab

ek tarannum mein saji KHamoshi

gungunata main raha aaKHir-e-shab

ek tere nam pe hanste rote

puchh kya kya na kiya aaKHir-e-shab

subh hone ko hai bimar chala

yaad kya aai dawa aaKHir-e-shab

us pari-zad ke afsane tamam

chand-taron se suna aaKHir-e-shab

ab teri yaad ke jugnu bhi bujhe

tirgi aur bhi siwa aaKHir-e-shab

shab-nazhad aane ko hai ai 'asrar'

rah taron se saja aaKHir-e-shab