sara aalam tera markaz kis ko mai-KHana kahen

saarā aalam terā markaz kis ko mai-ḳhāna kaheñ

kis ko saaqī kis ko sāġhar kis ko paimāna kaheñ

sham.a ham kis ko kaheñ aur kis ko parvāna kaheñ

kaun haiñ ahl-e-ḳhirad aur kis ko dīvāna kaheñ

mahv-e-hairat hī raheñ ham yā ki jānānāñ kaheñ

ġhair kā shikva kareñ yā apnā afsāna kaheñ

gar koī badle meñ dil māñge to dīvāna kaheñ

ham use tohfa kaheñ aur aap nazrāna kaheñ

ai 'sadaf' ye aarzū hai jān-e-mai-ḳhāna kaheñ

ham ko parvāna kaheñ vo apnā dīvāna kaheñ

sara aalam tera markaz kis ko mai-KHana kahen

kis ko saqi kis ko saghar kis ko paimana kahen

shama hum kis ko kahen aur kis ko parwana kahen

kaun hain ahl-e-KHirad aur kis ko diwana kahen

mahw-e-hairat hi rahen hum ya ki jaananan kahen

ghair ka shikwa karen ya apna afsana kahen

gar koi badle mein dil mange to diwana kahen

hum use tohfa kahen aur aap nazrana kahen

ai 'sadaf' ye aarzu hai jaan-e-mai-KHana kahen

hum ko parwana kahen wo apna diwana kahen