sara din aaftab soya tha

saarā din āftāb soyā thā

yaar bhī be-hijāb soyā thā

vasl kī shab ba-fazl-e-allah-miyāñ

raat bhar māhtāb soyā thā

ai hamārī kitāb-e-zīst batā

kyoñ tirā intisāb soyā thā

peḌ ke kāñdhe par thakā-māñda

sub.h tak ik 'uqāb soyā thā

sar judā.ī ke taaq par rakh ke

do dahā.ī se ḳhvāb soyā thā

chāñd ke dil-fareb saa.e tale

tar-o-tāza gulāb soyā thā

ek bedār maiñ hī thā bas aur

'ālam-e-iztirāb soyā thā

aaj 'bismil' havā ke āñchal meñ

be-jhijak be-hisāb soyā thā

sara din aaftab soya tha

yar bhi be-hijab soya tha

wasl ki shab ba-fazl-e-allah-miyan

raat bhar mahtab soya tha

ai hamari kitab-e-zist bata

kyon tera intisab soya tha

peD ke kandhe par thaka-manda

subh tak ek 'uqab soya tha

sar judai ke taq par rakh ke

do dahai se KHwab soya tha

chand ke dil-fareb sae tale

tar-o-taza gulab soya tha

ek bedar main hi tha bas aur

'alam-e-iztirab soya tha

aaj 'bismil' hawa ke aanchal mein

be-jhijak be-hisab soya tha