sara iman imkan ki rah mein bas tumhaare shaghaf se chala aata hai

saarā īmān imkān kī raah meñ bas tumhāre shaġhaf se chalā aatā hai

hur sar-e-karbalā jaise shabbīr kī samt dushman kī saf se chalā aatā hai

maiñ tumhārā to mehvar nahīñ jāntā haañ magar maiñ kisī kī nigāhoñ meñ huuñ

girne lagtā huuñ to thāmne ke liye haath koī najaf se chalā aatā hai

kaan har aib par thaap ke muntazir aañkh Tak terī kamzoriyoñ par rahī

dostā tū kahāñ reñgtā reñgtā mere kurte ke kaf se chalā aatā hai

dekh chilla zarūrī hai az-rāh-e-pākīzgī-e-nafs tā-ba fardā-e-hashr

baa'd muddat koī zarra juuñ ban ke motī dahān-e-sadaf se chalā aatā hai

ḳhāmushī ilm hai is liye sāhib-e-ma.arifat bolte haiñ bahut soch kar

jaise dhāga udhaḌtā huā ek tartīb ke saath ġhaf se chalā aatā hai

yaad maiñ 'alvī' jis ke liye to duā baa'd masjid ke mandir meñ bhī ho chukī

tū mujhe kyā harā.egī merī madad ko ḳhudā har taraf se chalā aatā hai

sara iman imkan ki rah mein bas tumhaare shaghaf se chala aata hai

hur sar-e-karbala jaise shabbir ki samt dushman ki saf se chala aata hai

main tumhaara to mehwar nahin jaanta han magar main kisi ki nigahon mein hun

girne lagta hun to thamne ke liye hath koi najaf se chala aata hai

kan har aib par thap ke muntazir aankh Tak teri kamzoriyon par rahi

dosta tu kahan rengta rengta mere kurte ke kaf se chala aata hai

dekh chilla zaruri hai az-rah-e-pakizgi-e-nafs ta-ba farda-e-hashr

ba'd muddat koi zarra jun ban ke moti dahan-e-sadaf se chala aata hai

KHamushi ilm hai is liye sahib-e-marifat bolte hain bahut soch kar

jaise dhaga udhaDta hua ek tartib ke sath ghaf se chala aata hai

yaad main 'alwi' jis ke liye to dua ba'd masjid ke mandir mein bhi ho chuki

tu mujhe kya haraegi meri madad ko KHuda har taraf se chala aata hai