sare din dasht-e-tajassus mein bhaTak kar so gaya

Kaif Ahmed Siddiqui

sare din dasht-e-tajassus mein bhaTak kar so gaya

Kaif Ahmed Siddiqui

MORE BY Kaif Ahmed Siddiqui

    saare din dasht-e-tajassus meñ bhaTak kar so gayā

    shaam āġhosh meñ sūraj bhī thak kar so gayā

    āḳhir-e-shab maiñ bhī khā kar ḳhvāb-āvar goliyāñ

    chand lamhe nashsha-e-ġham se bahak kar so gayā

    ye sukūt-e-shām ye hañgāma-e-zehn-e-bashar

    ruuh hai bedār lekin jism thak kar so gayā

    āḳhir is daur-e-pur-āshob har aadmī

    ḳhvāb-e-mustaqbil ke jañgal meñ bhaTak kar so gayā

    chand din gulshan meñ naġhmāt-e-masarrat chheḌ kar

    shāḳh-e-ġham par ruuh panchhī chahak kar so gayā

    āḳhirash saare chaman ko de ke husn-e-zindagī

    maut ke bistar pe har ġhuncha mahak kar so gayā

    zindagī bhar ab añdherī raat meñ hai jāgnā

    ab to qismat sitāra bhī chamak kar so gayā

    paikar-e-alfāz meñ ik aag dahkātā huā

    kāġhzī sahrā meñ ik sho.ala bhaḌak kar so gayā

    'kaif' yuuñ āġhosh-e-fan meñ zehn ko niiñd aa ga.ī

    jaise maañ god meñ bachcha sisak kar so gayā

    sare din dasht-e-tajassus mein bhaTak kar so gaya

    sham ki aaghosh mein suraj bhi thak kar so gaya

    aaKHir-e-shab main bhi kha kar KHwab-awar goliyan

    chand lamhe nashsha-e-gham se bahak kar so gaya

    ye sukut-e-sham ye hangama-e-zehn-e-bashar

    ruh hai bedar lekin jism thak kar so gaya

    aaKHir is daur-e-pur-ashob ka har aadmi

    KHwab-e-mustaqbil ke jangal mein bhaTak kar so gaya

    chand din gulshan mein naghmat-e-masarrat chheD kar

    shaKH-e-gham par ruh ka panchhi chahak kar so gaya

    aaKHirash sare chaman ko de ke husn-e-zindagi

    maut ke bistar pe har ghuncha mahak kar so gaya

    zindagi bhar ab andheri raat mein hai jagna

    ab to qismat ka sitara bhi chamak kar so gaya

    paikar-e-alfaz mein ek aag dahkata hua

    kaghzi sahra mein ek shoala bhaDak kar so gaya

    'kaif' yun aaghosh-e-fan mein zehn ko nind aa gai

    jaise man ki god mein bachcha sisak kar so gaya

    Source:

    • Book : shab khuun (45) (rekhta website) (Pg. 63)
    • Edition : 1970
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY