sare dukh bhul gae sare sitam bhul gae

saare dukh bhuul ga.e saare sitam bhuul ga.e

tum ko dekhā to sabhī ranj-o-alam bhuul ga.e

un ko vo likh diyā jo ham ko nahīñ likhnā thā

ḳhat meñ jo kuchh hameñ karnā thā raqam bhuul ga.e

aap se ham ne na milne kī qasam khaa.ī thī

jaane kyā ho gayā ham apnī qasam bhuul ga.e

mil gayā naqsh-e-qadam terā jabīñ ko apnī

log kahte haiñ ki ham dair-o-haram bhuul ga.e

vo agar pūchh leñ kal kyoñ nahīñ milne aa.e

thoḌā iThlā.eñge kah deñge ki ham bhuul ga.e

bevafā ham nahīñ hālāt hamāre haiñ 'surūr'

umr bhar ham ne kiye un pe karam bhuul ga.e

sare dukh bhul gae sare sitam bhul gae

tum ko dekha to sabhi ranj-o-alam bhul gae

un ko wo likh diya jo hum ko nahin likhna tha

KHat mein jo kuchh hamein karna tha raqam bhul gae

aap se hum ne na milne ki qasam khai thi

jaane kya ho gaya hum apni qasam bhul gae

mil gaya naqsh-e-qadam tera jabin ko apni

log kahte hain ki hum dair-o-haram bhul gae

wo agar puchh len kal kyon nahin milne aae

thoDa iThlaenge kah denge ki hum bhul gae

bewafa hum nahin haalat hamare hain 'surur'

umr bhar hum ne kiye un pe karam bhul gae