sare jag se ruTh jaana chahti hun

saare jag se ruuTh jaanā chāhtī huuñ

haañ magar tum ko manānā chāhtī huuñ

ik ḳhushī gar tū jo mujh ko de sake to

saare ġham ko bhuul jaanā chāhtī huuñ

haañ vatan ko chhoḌā barso ho chuke haiñ

ab maiñ lekin lauT aanā chāhtī huuñ

ibtidā tū hī hai merī intihā bhī

maiñ faqat itnā batānā chāhtī huuñ

iiñT patthar se makāñ bante hai sab ke

maiñ bharose kā banānā chāhtī huuñ

bas tirā hī pyaar māñgūñ zindagī meñ

maiñ kahāñ koī ḳhazāna chāhtī huuñ

maiñ ne kab chāhā kī mar jaanā mujhe hai

ek jiine kā bahāna chāhtī huuñ

sare jag se ruTh jaana chahti hun

han magar tum ko manana chahti hun

ek KHushi gar tu jo mujh ko de sake to

sare gham ko bhul jaana chahti hun

han watan ko chhoDa barso ho chuke hain

ab main lekin lauT aana chahti hun

ibtida tu hi hai meri intiha bhi

main faqat itna batana chahti hun

inT patthar se makan bante hai sab ke

main bharose ka banana chahti hun

bas tera hi pyar mangun zindagi mein

main kahan koi KHazana chahti hun

main ne kab chaha ki mar jaana mujhe hai

ek jine ka bahana chahti hun