ساری بات نہ پوچھا کر
ساری بات نہ پوچھا کر
کچھ خود بھی تو سمجھا کر
میں بچھنے کی چیز نہیں
پاگل مجھ کو اوڑھا کر
اس نے منزل پا لی ہے
لیکن مجھ کو بھٹکا کر
لوگ تجھے پہچانیں گے
ہر دن ایک تماشا کر
دروازے کچھ چھوٹے ہیں
تھوڑا جھک کر نکلا کر
پکنے کو ہے سرخ انار
زینہ دھیرے اترا کر
دنیا گونگی بہری ہے
جو منہ آئے بولا کر
موتی بھی مل جائیں گے
گہرائی میں اترا کر
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
