sari duniya ko bhulane lag jaen

saarī duniyā ko bhulāne lag jaa.eñ

ḳhud ko taslīm karāne lag jaa.eñ

apnā kyā hai ki tirī mahfil meñ

aane lag jaa.eñ ki jaane lag jaa.eñ

apnī miTTī ko badan karnā hai

chaak par ḳhud ko chaḌhāne lag jaa.eñ

niiñd āñkhoñ se huī kosoñ duur

mere sab ḳhvāb sir.hāne lag jaa.eñ

tum bhī mar jaao kisī din mirī jaañ

ham bhī ik roz Thikāne lag jaa.eñ

sari duniya ko bhulane lag jaen

KHud ko taslim karane lag jaen

apna kya hai ki teri mahfil mein

aane lag jaen ki jaane lag jaen

apni miTTi ko badan karna hai

chaak par KHud ko chaDhane lag jaen

nind aankhon se hui koson dur

mere sab KHwab sirhane lag jaen

tum bhi mar jao kisi din meri jaan

hum bhi ek roz Thikane lag jaen