sari raat kahani sun ke hum to lab na kholenge

saarī raat kahānī sun ke ham to lab na kholeñge

vaise chhup ke hañs bhī leñge vaise tanhā ro leñge

ujḌe dil kī bastī vaale itne ġhāfil hote haiñ

kho bhī ga.e to is mele meñ kisī ke sañg bhī ho leñge

bādal garje bijlī kaḌke yā sāvan bhādoñ barseñ

ham saḌkoñ pe rahne vaale chuppī saadh ke so leñge

yaaro tum ye fikr na karnā kis ke sar ilzām lage

ham to apne ḳhuun se apne donoñ haath bhigo leñge

jab bhī dard se dil taḌpegā TukḌe TukḌe hogī ruuh

kisī añdhere kamre meñ ham dil meñ dard samo leñge

ham ne saarī umr akele maut kā rasta dekhā hai

jab bhī aa.ī kisī bhī chaukhaT par sar rakh ke so leñge

chupke chupke kafan lapeTe nikleñge jab ham ghar se

laakh bulāoge ro ro kar hargiz aañkh na kholeñge

sari raat kahani sun ke hum to lab na kholenge

waise chhup ke hans bhi lenge waise tanha ro lenge

ujDe dil ki basti wale itne ghafil hote hain

kho bhi gae to is mele mein kisi ke sang bhi ho lenge

baadal garje bijli kaDke ya sawan bhadon barsen

hum saDkon pe rahne wale chuppi sadh ke so lenge

yaro tum ye fikr na karna kis ke sar ilzam lage

hum to apne KHun se apne donon hath bhigo lenge

jab bhi dard se dil taDpega TukDe TukDe hogi ruh

kisi andhere kamre mein hum dil mein dard samo lenge

hum ne sari umr akele maut ka rasta dekha hai

jab bhi aai kisi bhi chaukhaT par sar rakh ke so lenge

chupke chupke kafan lapeTe niklenge jab hum ghar se

lakh bulaoge ro ro kar hargiz aankh na kholenge