sath ab un ke sham-o-sahar jaenge

saath ab un ke shām-o-sahar jā.eñge

vo akele nahīñ apne ghar jā.eñge

ab to Dasne lage haiñ añdhere mujhe

raushnī meñ jo nikle to mar jā.eñge

ashk yuuñ to kabhī mere bahte nahīñ

dariyā dil ke sabhī mere bhar jā.eñge

tujh ko to 'āshiqī kā sahārā bhī hai

jin kā kuchh bhī nahīñ vo bikhar jā.eñge

aap to aaj tak itnī dahshat meñ haiñ

ḳhud bacheñge tabhī to udhar jā.eñge

aa.ina un ko dikhtā nahīñ ab kahīñ

'aks se apne ḳhud vo sañvar jā.eñge

maut kā Dar kahāñ maut se kam hai ab

aap zinda hī kab haiñ jo mar jā.eñge

un ke jaane kā manzar tamāsha nahīñ

sochne se mire kyā Thahar jā.eñge

tanhā ho kar bhī maiñ ek lashkar meñ huuñ

jin kā koī nahīñ vo to Dar jā.eñge

sath ab un ke sham-o-sahar jaenge

wo akele nahin apne ghar jaenge

ab to Dasne lage hain andhere mujhe

raushni mein jo nikle to mar jaenge

ashk yun to kabhi mere bahte nahin

dariya dil ke sabhi mere bhar jaenge

tujh ko to 'ashiqi ka sahaara bhi hai

jin ka kuchh bhi nahin wo bikhar jaenge

aap to aaj tak itni dahshat mein hain

KHud bachenge tabhi to udhar jaenge

aaina un ko dikhta nahin ab kahin

'aks se apne KHud wo sanwar jaenge

maut ka Dar kahan maut se kam hai ab

aap zinda hi kab hain jo mar jaenge

un ke jaane ka manzar tamasha nahin

sochne se mere kya Thahar jaenge

tanha ho kar bhi main ek lashkar mein hun

jin ka koi nahin wo to Dar jaenge