sath hum ko zamane ke chalna paDa

saath ham ko zamāne ke chalnā paḌā

sab badalne lage to badalnā paḌā

peT kī aag jab bujh nahīñ paa.ī to

jism ko bhaTTiyoñ meñ pighalnā paḌā

jab añdheroñ kī sāzish ghanī ho ga.ī

sūrya ko raat meñ phir nikalnā paḌā

vaqt par us ko haañ bas nahīñ kah sakā

zindagī bhar mujhe haath malnā paḌā

dūsroñ ke liye jo haiñ chhāyā bane

ban ke chhat dhuup meñ un ko jalnā paḌā

sath hum ko zamane ke chalna paDa

sab badalne lage to badalna paDa

peT ki aag jab bujh nahin pai to

jism ko bhaTTiyon mein pighalna paDa

jab andheron ki sazish ghani ho gai

surya ko raat mein phir nikalna paDa

waqt par us ko han bas nahin kah saka

zindagi bhar mujhe hath malna paDa

dusron ke liye jo hain chhaya bane

ban ke chhat dhup mein un ko jalna paDa