saya jis ka nazar aata hai mujhe

saaya jis kā nazar aatā hai mujhe

vo bhī saaya nazar aatā hai mujhe

vo jo hotā hī chalā jaatā hai

kuchh na hogā nazar aatā hai mujhe

chaaT jaatī hai nazāroñ ko nazar

kyā kahūñ kyā nazar aatā hai mujhe

aa.ina phāñd gayā josh-e-junūñ

bilkul aisā nazar aatā hai mujhe

har likhā ḳhāma-e-dānā.ī kā

aaj ulTā nazar aatā hai mujhe

kyā ġhazab hai ki marā asl vajūd

aks merā nazar aatā hai mujhe

kyā qayāmat hai ki jaatā huā vaqt

idhar aatā nazar aatā hai mujhe

kahīñ ḳhushbū hai sunā.ī detī

kaheñ naġhma nazar aatā hai mujhe

biij bas apne shajar hone kā

ik irāda nazar aatā hai mujhe

be-musāfir hai safar pesh-e-nazar

zehn goyā nazar aatā hai mujhe

har gumāñ ek haqīqat hai 'muhib'

sach-much aisā nazar aatā hai mujhe

saya jis ka nazar aata hai mujhe

wo bhi saya nazar aata hai mujhe

wo jo hota hi chala jata hai

kuchh na hoga nazar aata hai mujhe

chaT jati hai nazaron ko nazar

kya kahun kya nazar aata hai mujhe

aaina phand gaya josh-e-junun

bilkul aisa nazar aata hai mujhe

har likha KHama-e-danai ka

aaj ulTa nazar aata hai mujhe

kya ghazab hai ki mara asl wajud

aks mera nazar aata hai mujhe

kya qayamat hai ki jata hua waqt

idhar aata nazar aata hai mujhe

kahin KHushbu hai sunai deti

kahen naghma nazar aata hai mujhe

bij bas apne shajar hone ka

ek irada nazar aata hai mujhe

be-musafir hai safar pesh-e-nazar

zehn goya nazar aata hai mujhe

har guman ek haqiqat hai 'muhib'

sach-much aisa nazar aata hai mujhe