سایہ نہ جس کا آیا کبھی میرے آس پاس

سایہ نہ جس کا آیا کبھی میرے آس پاس

رہنے لگا ہے آج وہی میرے آس پاس

ملتا نہیں ہے مجھ کو خوشی کا کوئی سراغ

پھیلی ہوئی ہے صرف غمی میرے آس پاس

جس نے دیا ہے مجھ کو ہر اک موڑ پر فریب

وہ یار پھر رہا ہے ابھی میرے آس پاس

تو جو بچھڑ گیا ہے تو یہ زندگی مری

بکھری پڑی ہے ٹوٹی ہوئی میرے آس پاس

آئے نہ کوئی دل کے نہاں خانے میں مرے

رنج و الم بہت ہیں ابھی میرے آس پاس

شاید کسی کی لگ گئی عادل حرؔا نظر

رہتی نہیں ہے کوئی خوشی میرے آس پاس