saz mein soz jab nahin aata
saaz meñ soz jab nahīñ aatā
lutf-e-bazm-e-tarab nahīñ aatā
ham ko apnī ḳhabar nahīñ hotī
vo to aane ko kab nahīñ aatā
aql meñ lafz-e-ishq kā mafhūm
kuchh to aatā hai sab nahīñ aatā
hosh aane kī baat itnī hai
jab vo aatā hai tab nahīñ aatā
us ko ulfat kī baat par ġhussa
pahle aatā thā ab nahīñ aatā
ho na ho bhar rahā hai zaḳhm-e-jigar
rañg ashkoñ meñ ab nahīñ aatā
dil lahū jab talak na ho 'aḳhgar'
rañg-e-husn-e-talab nahīñ aatā
saz mein soz jab nahin aata
lutf-e-bazm-e-tarab nahin aata
hum ko apni KHabar nahin hoti
wo to aane ko kab nahin aata
aql mein lafz-e-ishq ka mafhum
kuchh to aata hai sab nahin aata
hosh aane ki baat itni hai
jab wo aata hai tab nahin aata
us ko ulfat ki baat par ghussa
pahle aata tha ab nahin aata
ho na ho bhar raha hai zaKHm-e-jigar
rang ashkon mein ab nahin aata
dil lahu jab talak na ho 'aKHgar'
rang-e-husn-e-talab nahin aata
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
