sab alag apni kahani lae

sab alag apnī kahānī laa.e

dil meñ ġham aañkh meñ paanī laa.e

ham bhī kyā laa.e azal se āḳhir

umr laa.e bhī to faanī laa.e

hosh har shai ko za.īfī baḳhshe

josh har shai pe javānī laa.e

kyoñ dukhā.e kisī insān kā dil

kyoñ koī talḳh-bayānī laa.e

qadr duniyā ne na jaanī un kī

jo yahāñ dil kī nishānī laa.e

baat vo jis ko zamāna samjhe

lafz vo jo ki ma.ānī laa.e

aadmī apne alāva har shai

bech legā jo purānī laa.e

sab alag apni kahani lae

dil mein gham aankh mein pani lae

hum bhi kya lae azal se aaKHir

umr lae bhi to fani lae

hosh har shai ko zaifi baKHshe

josh har shai pe jawani lae

kyon dukhae kisi insan ka dil

kyon koi talKH-bayani lae

qadr duniya ne na jaani un ki

jo yahan dil ki nishani lae

baat wo jis ko zamana samjhe

lafz wo jo ki maani lae

aadmi apne alawa har shai

bech lega jo purani lae