sab hakimon ki hum pe hukumat barae nam

sab hākimoñ kī ham pe hukūmat barā.e naam

mere vatan kī saarī siyāsat barā.e naam

roza namāz saarī riyāzat hai be-asar

sab rā.egāñ hamārī 'ibādat barā.e naam

majnūñ sā kohkan sā na aayā nazar kahīñ

ab 'āshiqoñ kī saarī mohabbat barā.e naam

ham rāh-e-mustaqīm se bhaTke hue tamām

ġhāfil haiñ ham hamārī sharī'at barā.e naam

ham par to 'askarī hī musallat azal se haiñ

kaTh-putliyāñ haiñ zer-e-sadārat barā.e naam

'ādil vatan ke mere haiñ dushman se jā mile

munsif to bik ga.e haiñ 'adālat barā.e naam

sab hakimon ki hum pe hukumat barae nam

mere watan ki sari siyasat barae nam

roza namaz sari riyazat hai be-asar

sab raegan hamari 'ibaadat barae nam

majnun sa kohkan sa na aaya nazar kahin

ab 'ashiqon ki sari mohabbat barae nam

hum rah-e-mustaqim se bhaTke hue tamam

ghafil hain hum hamari shari'at barae nam

hum par to 'askari hi musallat azal se hain

kaTh-putliyan hain zer-e-sadarat barae nam

'adil watan ke mere hain dushman se ja mile

munsif to bik gae hain 'adalat barae nam