سب جانتے ہوئے بھی وہ انجان بن گیا

سب جانتے ہوئے بھی وہ انجان بن گیا

دانائیاں سمیٹ کے نادان بن گیا

یوں تو ہزاروں لوگ تھے موجود شہر میں

اس کا وجود شہر کی پہچان بن گیا

کچھ اس طرح سے سر کیا ہے میری ذات کو

میری کتاب زیست کا عنوان بن گیا

ظلم و ستم کے اس کی ذرا انتہا تو دیکھ

جو کچھ زباں سے نکلا وہ فرمان بن گیا

اب اس جہاں میں رہنا بھی ممکن نہیں رہا

آخر کو یہ بھی جنگ کا میدان بن گیا

بارود سے نہ بچ سکا وہ خود بھی اے نظرؔ

یہ کھیل اس کی موت کا سامان بن گیا