sab ka apna apna mansha sab ki apni apni soch

sab kā apnā apnā manshā sab kī apnī apnī soch

lafzoñ kī shatranj bichhā kar maiñ bhī sochūñ tū bhī soch

ek jagah Thahre hī nahīñ hai har-sū uḌtī phirtī hai

rang-birange pankhoñ vaalī kaisī anokhī titlī soch

tujh se mujh se kuchh ummīdeñ ye alfāz bhī rakhte haiñ

kaun paḌhegā in kī zabāñ ko kis kī hai itnī gahrī soch

ham aise dīvānoñ kā ab hosh meñ aanā nā-mumkin

apnī to yūñhī kaT jā.egī ai nāseh tū apnī soch

dhyān rahe in ā.īnoñ pe gard na jamne paa.e 'nasīm'

zehn nazar dil saaf rakho ye phir na rahegī dhuñdlī soch

sab ka apna apna mansha sab ki apni apni soch

lafzon ki shatranj bichha kar main bhi sochun tu bhi soch

ek jagah Thahre hi nahin hai har-su uDti phirti hai

rang-birange pankhon wali kaisi anokhi titli soch

tujh se mujh se kuchh ummiden ye alfaz bhi rakhte hain

kaun paDhega in ki zaban ko kis ki hai itni gahri soch

hum aise diwanon ka ab hosh mein aana na-mumkin

apni to yunhi kaT jaegi ai naseh tu apni soch

dhyan rahe in aainon pe gard na jamne pae 'nasim'

zehn nazar dil saf rakho ye phir na rahegi dhundli soch