سب کا اپنا اپنا منشا سب کی اپنی اپنی سوچ

سب کا اپنا اپنا منشا سب کی اپنی اپنی سوچ

لفظوں کی شطرنج بچھا کر میں بھی سوچوں تو بھی سوچ

ایک جگہ ٹھہرے ہی نہیں ہے ہر سو اڑتی پھرتی ہے

رنگ برنگے پنکھوں والی کیسی انوکھی تتلی سوچ

تجھ سے مجھ سے کچھ امیدیں یہ الفاظ بھی رکھتے ہیں

کون پڑھے گا ان کی زباں کو کس کی ہے اتنی گہری سوچ

ہم ایسے دیوانوں کا اب ہوش میں آنا نا ممکن

اپنی تو یوںہی کٹ جائے گی اے ناصح تو اپنی سوچ

دھیان رہے ان آئینوں پہ گرد نہ جمنے پائے نسیمؔ

ذہن نظر دل صاف رکھو یہ پھر نہ رہے گی دھندلی سوچ