sab ka chehra pas-e-diwar-e-ana rahta hai

sab kā chehra pas-e-dīvār-e-anā rahtā hai

aa.ine se yahāñ har shaḳhs ḳhafā rahtā hai

phir bhī ham log vahāñ jiite haiñ jiine kī tarah

mausam-e-qahr jahāñ Thahrā huā rahtā hai

us ke aane kī ab ummīd nahīñ hai raushan

phir bhī darvāza-e-dil hai ki khulā rahtā hai

rañg-e-tābīr chamaktā hī nahīñ āñkhoñ meñ

raat bhar ḳhvāb kā bāzār sajā rahtā hai

bas usī aks se ḳhā.if hai har ik shaḳhs yahāñ

ā.ina-ḳhāne meñ jo chehra-numā rahtā hai

ḳhāna-e-dil pe hukūmat hai usī kī 'aḳhtar'

ye alag baat ki vo mujh se ḳhafā rahtā hai

sab ka chehra pas-e-diwar-e-ana rahta hai

aaine se yahan har shaKHs KHafa rahta hai

phir bhi hum log wahan jite hain jine ki tarah

mausam-e-qahr jahan Thahra hua rahta hai

us ke aane ki ab ummid nahin hai raushan

phir bhi darwaza-e-dil hai ki khula rahta hai

rang-e-tabir chamakta hi nahin aankhon mein

raat bhar KHwab ka bazar saja rahta hai

bas usi aks se KHaif hai har ek shaKHs yahan

aaina-KHane mein jo chehra-numa rahta hai

KHana-e-dil pe hukumat hai usi ki 'aKHtar'

ye alag baat ki wo mujh se KHafa rahta hai