سب کو خوابوں کے نہ ایوان میں رکھ
سب کو خوابوں کے نہ ایوان میں رکھ
میں حقیقت ہوں مجھے دھیان میں رکھ
راہزن پھرتے ہیں بستی بستی
گھر کا سرمایہ بیابان میں رکھ
شب پرستوں کی ہے دنیا پیارے
اپنے سورج کو گریبان میں رکھ
کیا کرے گا تو یہ مٹھی بھر دھوپ
آگ سینے کے خیابان میں رکھ
بے صدا قریۂ احساس ہوا
انگلیاں اب نہ یہاں کان میں رکھ
کسی دستک کا اجالا نہ سہی
شمع یادوں کی تو دالان میں رکھ
فرحت انگیز ہے باہر کی ہوا
کھڑکیاں ذہن کے ایوان میں رکھ
ہے در و بست معانی ان سے
ملکہ لفظوں کی پہچان میں رکھ
شہر تا شہر ہے زخموں کا پڑاؤ
اپنا خیمہ ابھی میدان میں رکھ
اے فضاؔ لے کا یہ شعلہ نہ بجھے
اتنا آہنگ تو اوزان میں رکھ
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
