sab ko malum hai ye baat kahan

sab ko mā'lūm hai ye baat kahāñ

din kahāñ kāTtā huuñ raat kahāñ

is ko taqdīr hī kahā jaa.e

maiñ kahāñ un kā iltifāt kahāñ

jin ke aage zabāñ bhī hil na sake

kahne baiThā huuñ dil kī baat kahāñ

soch saktā huuñ kah nahīñ saktā

luT ga.ī dil kī kā.enāt kahāñ

ai sabā un kī kākuloñ ko na chheḌ

muñh chhupātī phiregī raat kahāñ

vo to aañsū nikal paḌe varna

maiñ kahāñ sharh-e-vāqi'āt kahāñ

un ko ehsās ho chalā hai 'ra.īs'

vo nazar vo hañsī vo baat kahāñ

sab ko ma'lum hai ye baat kahan

din kahan kaTta hun raat kahan

is ko taqdir hi kaha jae

main kahan un ka iltifat kahan

jin ke aage zaban bhi hil na sake

kahne baiTha hun dil ki baat kahan

soch sakta hun kah nahin sakta

luT gai dil ki kaenat kahan

ai saba un ki kakulon ko na chheD

munh chhupati phiregi raat kahan

wo to aansu nikal paDe warna

main kahan sharh-e-waqi'at kahan

un ko ehsas ho chala hai 'rais'

wo nazar wo hansi wo baat kahan