sab ne mujh hi ko dar-ba-dar dekha
sab ne mujh hī ko dar-ba-dar dekhā
be-gharī ne mirā hī ghar dekhā
band āñkhoñ se dekh lī duniyā
ham ne kyā kuchh na dekh kar dekhā
kahīñ mauj-e-numū rukī to nahīñ
shāḳh se phuul toḌ kar dekhā
ḳhud bhī tasvīr ban ga.ī nazreñ
ek sūrat ko is qadar dekhā
ham ne us ne hazār sheva ko
kitnī nazroñ se ik nazar dekhā
ab numū pā.eñge diloñ ke zaḳhm
ham ne ik phuul shāḳh par dekhā
sab ne mujh hi ko dar-ba-dar dekha
be-ghari ne mera hi ghar dekha
band aankhon se dekh li duniya
hum ne kya kuchh na dekh kar dekha
kahin mauj-e-numu ruki to nahin
shaKH se phul toD kar dekha
KHud bhi taswir ban gai nazren
ek surat ko is qadar dekha
hum ne us ne hazar shewa ko
kitni nazron se ek nazar dekha
ab numu paenge dilon ke zaKHm
hum ne ek phul shaKH par dekha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
