sab pighal jae tamasha wo idhar kab hoga
sab pighal jaa.e tamāsha vo idhar kab hogā
mom ke shahr se sūraj kā guzar kab hogā
ḳhvāb kāġhaz ke safīne haiñ bachā.eñ kaise
ḳhatm is aag ke dariyā kā safar kab hogā
jis kā naqsha hai mire zehn meñ ik muddat se
ghar vo tāmīr se pahle hī khañDar kab hogā
mere kho.e hue mahvar pe jo pahuñchā.e mujhe
ab lahū meñ mire paidā vo bhañvar kab hogā
sabz rakkhā hai jise maiñ ne lahū de ke 'qamar'
mehrbāñ dhuup meñ āḳhir vo shajar kab hogā
sab pighal jae tamasha wo idhar kab hoga
mom ke shahr se suraj ka guzar kab hoga
KHwab kaghaz ke safine hain bachaen kaise
KHatm is aag ke dariya ka safar kab hoga
jis ka naqsha hai mere zehn mein ek muddat se
ghar wo tamir se pahle hi khanDar kab hoga
mere khoe hue mahwar pe jo pahunchae mujhe
ab lahu mein mere paida wo bhanwar kab hoga
sabz rakkha hai jise main ne lahu de ke 'qamar'
mehrban dhup mein aaKHir wo shajar kab hoga
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
