sab sanwar jaega thoDi himmat karo

sab sañvar jā.egā thoḌī himmat karo

bas mohabbat mohabbat mohabbat karo

sarhadoñ ke to hākim bahut haiñ magar

mashvara hai ki dil pe hukūmat karo

chāhatoñ ke liye tum ho paidā hue

tum se kis ne kahā hai ki nafrat karo

prītī ke surḳh hoñToñ ke hī vāste

kirshn kī bāñsurī kī tijārat karo

merā dukh mujh ko kam-kam sā lagne lagā

apnā ġham aur thoḌā ināyat karo

ek din vo bhī qadmoñ meñ aa jā.egā

apne dushman kī bas aap izzat karo

manzileñ kah rahīñ haiñ ki bas ho chukā

hausle kah rahe haiñ ki mehnat karo

ab sukūñ ke liye maiñ ne dil ko chunā

duur merī nigāhoñ se daulat karo

apnā haq 'anjanā' pahle māñgo magar

phir nahīñ mil rahā to baġhāvat karo

sab sanwar jaega thoDi himmat karo

bas mohabbat mohabbat mohabbat karo

sarhadon ke to hakim bahut hain magar

mashwara hai ki dil pe hukumat karo

chahaton ke liye tum ho paida hue

tum se kis ne kaha hai ki nafrat karo

priti ke surKH honTon ke hi waste

kirshn ki bansuri ki tijarat karo

mera dukh mujh ko kam-kam sa lagne laga

apna gham aur thoDa inayat karo

ek din wo bhi qadmon mein aa jaega

apne dushman ki bas aap izzat karo

manzilen kah rahin hain ki bas ho chuka

hausle kah rahe hain ki mehnat karo

ab sukun ke liye main ne dil ko chuna

dur meri nigahon se daulat karo

apna haq 'anjana' pahle mango magar

phir nahin mil raha to baghawat karo