sab se alag hun lekin akela nahin bana
sab se alag huuñ lekin akelā nahīñ banā
auroñ sā ho ke bhī kisī jaisā nahīñ banā
duniyā bhī vo nahīñ banī jo honī chāhiye
so kyā huā agar vo hamārā nahīñ banā
sab fā.eda uThāne ke chakkar meñ hote haiñ
maiñ jān-būjh kar bahut achchhā nahīñ banā
vo ban gayā jo banñā nahīñ chāhtā thā maiñ
ḳhvāhish thī jaisā banñe kī vaisā nahīñ banā
maiñ chāhne meñ koī kasar chhoḌtā nahīñ
maiñ darmiyāñ meñ chhoḌne vaalā nahīñ banā
maiñ toḌtā banātā hī rahtā huuñ kuchh na kuchh
har baar aisā lagtā hai umda nahīñ banā
TuuTe hue ko joḌ liyā hai kisī tarah
us jaisā to magar ye dobāra nahīñ banā
us ko bhī merī itnī zarūrat nahīñ paḌī
kuchh maiñ bhī us kā utnā ziyāda nahīñ banā
sab se alag hun lekin akela nahin bana
auron sa ho ke bhi kisi jaisa nahin bana
duniya bhi wo nahin bani jo honi chahiye
so kya hua agar wo hamara nahin bana
sab faeda uThane ke chakkar mein hote hain
main jaan-bujh kar bahut achchha nahin bana
wo ban gaya jo banna nahin chahta tha main
KHwahish thi jaisa banne ki waisa nahin bana
main chahne mein koi kasar chhoDta nahin
main darmiyan mein chhoDne wala nahin bana
main toDta banata hi rahta hun kuchh na kuchh
har bar aisa lagta hai umda nahin bana
TuTe hue ko joD liya hai kisi tarah
us jaisa to magar ye dobara nahin bana
us ko bhi meri itni zarurat nahin paDi
kuchh main bhi us ka utna ziyaada nahin bana
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
