sab se behtar hai ki mujh par mehrban koi na ho

sab se behtar hai ki mujh par mehrbāñ koī na ho

ham-nashīñ koī na ho aur rāzdāñ koī na ho

laal mat samjho zabān-e-sham.a ko ḳhāmush hai ye

baat phir kis se kare jab ham-zabāñ koī na ho

mariye is hasrat meñ gar qātil na haath aave kahīñ

roiye apne pe ḳhud gar nauha-ḳhvāñ koī na ho

biich meñ hai mere us ke tū hī ai āh-e-hazīñ

sulh kyūñkar hove jab tak darmiyāñ koī na ho

shikva kis se kījiye ḳhāliq kī marzī hai yahī

nukta-chīñ paidā hoñ lākhoñ nukta-dāñ koī na ho

mujh talak qātil to qātil maut bhī aatī nahīñ

kis ko diije jaan jab ḳhvāhān-e-jāñ koī na ho

sab se behtar hai ki mujh par mehrban koi na ho

ham-nashin koi na ho aur raazdan koi na ho

lal mat samjho zaban-e-shama ko KHamush hai ye

baat phir kis se kare jab ham-zaban koi na ho

mariye is hasrat mein gar qatil na hath aawe kahin

roiye apne pe KHud gar nauha-KHwan koi na ho

bich mein hai mere us ke tu hi ai aah-e-hazin

sulh kyunkar howe jab tak darmiyan koi na ho

shikwa kis se kijiye KHaliq ki marzi hai yahi

nukta-chin paida hon lakhon nukta-dan koi na ho

mujh talak qatil to qatil maut bhi aati nahin

kis ko dije jaan jab KHwahan-e-jaan koi na ho