sab se yahi kahta hun ki han hai meri jagir

sab se yahī kahtā huuñ ki haañ hai mirī jāgīr

ye shaukat-e-alfāz-o-bayāñ hai mirī jāgīr

ye 'umr hī aisī hai mire ḳhvāb baḌe haiñ

ḳhud mere liye bār-e-garāñ hai mirī jāgīr

Dartā huuñ kisī moḌ pe chhin jaa.e na mujh se

bachpan se jo ehsās-e-ziyāñ hai mirī jāgīr

bujhtī huī shāmoñ ke asāse haiñ mire paas

afsurda charāġhoñ kā dhuāñ hai mirī jāgīr

maiñ terī ijāzat se ye sābit bhī karūñgā

ai dost tirā jism-e-javāñ hai mirī jāgīr

samjhāte hī guzrī hai dil-e-naf'-talab ko

lā-hāsilī-e-'umr-e-ravāñ hai mirī jāgīr

tum dil kī taraf se na yahāñ naqb lagāo

ye aañkh ye ḳhvāboñ kī dukāñ hai mirī jāgīr

kyā kyā mirī sochoñ ke hare peḌ the 'yāvar'

ab nazr-e-sitam-hā-e-ḳhizāñ hai mirī jāgīr

sab se yahi kahta hun ki han hai meri jagir

ye shaukat-e-alfaz-o-bayan hai meri jagir

ye 'umr hi aisi hai mere KHwab baDe hain

KHud mere liye bar-e-garan hai meri jagir

Darta hun kisi moD pe chhin jae na mujh se

bachpan se jo ehsas-e-ziyan hai meri jagir

bujhti hui shamon ke asase hain mere pas

afsurda charaghon ka dhuan hai meri jagir

main teri ijazat se ye sabit bhi karunga

ai dost tera jism-e-jawan hai meri jagir

samjhate hi guzri hai dil-e-naf'-talab ko

la-hasili-e-'umr-e-rawan hai meri jagir

tum dil ki taraf se na yahan naqb lagao

ye aankh ye KHwabon ki dukan hai meri jagir

kya kya meri sochon ke hare peD the 'yawar'

ab nazr-e-sitam-ha-e-KHizan hai meri jagir