sab shikayat hai zindagani ki

sab shikāyat hai zindagānī kī

jaan ne dushmanī-e-jānī kī

ham subuk-dosh hī jahāñ se ga.e

na kisī tab.a ne girānī kī

haañ subuksār kar de ai qātil

jism par sar ne sargirānī kī

ruuh tan par vabāl-e-dosh huī

hai ye ifrāt nā-tavānī kī

ishq barbād kar gayā āḳhir

thī ḳhabar kis ko nā-gahānī kī

aisī ik teġh-e-ābdār lagā

phir na māñgūñ jo buuñd paanī kī

dil huā fart-e-dāġh se ik baaġh

ishq ne ḳhuub bāġhbānī kī

ik zarā khol chashm ibrat meñ

sair kar is jahān-e-fānī kī

siine par dāġh-e-hasrat-o-hirmāñ

ik nishānī hai ye javānī kī

jo haiñ āsūdagān-e-aish unheñ

kyā ḳhabar is ġham-e-nihānī kī

kyoñ na ho ishtiyāq-e-nazm-e-‘zamīr’

dhuum hai us kī ḳhush-bayānī kī

sab shikayat hai zindagani ki

jaan ne dushmani-e-jaani ki

hum subuk-dosh hi jahan se gae

na kisi taba ne girani ki

han subuksar kar de ai qatil

jism par sar ne sargirani ki

ruh tan par wabaal-e-dosh hui

hai ye ifraat na-tawani ki

ishq barbaad kar gaya aaKHir

thi KHabar kis ko na-gahani ki

aisi ek tegh-e-abdar laga

phir na mangun jo bund pani ki

dil hua fart-e-dagh se ek bagh

ishq ne KHub baghbani ki

ek zara khol chashm ibrat mein

sair kar is jahan-e-fani ki

sine par dagh-e-hasrat-o-hirman

ek nishani hai ye jawani ki

jo hain aasudagan-e-aish unhen

kya KHabar is gham-e-nihani ki

kyon na ho ishtiyaq-e-nazm-e-‘zamir’

dhum hai us ki KHush-bayani ki