sab sitare luTa diye maine

sab sitāre luTā diye maiñ ne

ashk saare bahā diye maiñ ne

ek us shaḳhs ke liye ḳhud ko

rog kyā kyā lagā diye maiñ ne

kyoñ du'ā 'arsh tak nahīñ jaatī

bām-o-dar tak hilā diye maiñ ne

us ne be-sāḳhta kahā bārish

aur aañsū bahā diye maiñ ne

dil ko har baar toḌ jaatā thā

qufl is par lagā diye maiñ ne

jis ne sun kar bhī an-sunī kar dī

dard us ko sunā diye maiñ ne

jab jahāñ jis pe raaj kar Daale

pyaar mantar sikhā diye maiñ ne

ishq-e-tāza kī hiddateñ tauba

ḳhat purāne jalā diye maiñ ne

apne matlab se jo mile har dam

vo bhī rishte nibhā diye maiñ ne

'tājvar' 'ishq kā taqāza thā

ġham uThā kar chhupā diye maiñ ne

sab sitare luTa diye main ne

ashk sare baha diye main ne

ek us shaKHs ke liye KHud ko

rog kya kya laga diye main ne

kyon du'a 'arsh tak nahin jati

baam-o-dar tak hila diye main ne

us ne be-saKHta kaha barish

aur aansu baha diye main ne

dil ko har bar toD jata tha

qufl is par laga diye main ne

jis ne sun kar bhi an-suni kar di

dard us ko suna diye main ne

jab jahan jis pe raj kar Dale

pyar mantar sikha diye main ne

ishq-e-taza ki hiddaten tauba

KHat purane jala diye main ne

apne matlab se jo mile har dam

wo bhi rishte nibha diye main ne

'tajwar' 'ishq ka taqaza tha

gham uTha kar chhupa diye main ne