سب ستارے لٹا دئے میں نے
سب ستارے لٹا دئے میں نے
اشک سارے بہا دئے میں نے
ایک اس شخص کے لئے خود کو
روگ کیا کیا لگا دئے میں نے
کیوں دعا عرش تک نہیں جاتی
بام و در تک ہلا دئے میں نے
اس نے بے ساختہ کہا بارش
اور آنسو بہا دئے میں نے
دل کو ہر بار توڑ جاتا تھا
قفل اس پر لگا دئے میں نے
جس نے سن کر بھی ان سنی کر دی
درد اس کو سنا دئے میں نے
جب جہاں جس پہ راج کر ڈالے
پیار منتر سکھا دئے میں نے
عشق تازہ کی حدتیں توبہ
خط پرانے جلا دئے میں نے
اپنے مطلب سے جو ملے ہر دم
وہ بھی رشتے نبھا دئے میں نے
تاجورؔ عشق کا تقاضہ تھا
غم اٹھا کر چھپا دئے میں نے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
