sab zar-parast the sar-e-bazar bik gae

sab zar-parast the sar-e-bāzār bik ga.e

vo qīmateñ baḌhīñ ki ḳharīdār bik ga.e

ik dūsre kī hirs ne andhā banā diyā

zebā.ish-e-makān meñ ghar-bār bik ga.e

bhaḌkī ba-faiz-e-muflisī jab ātish-e-shikam

do roTiyoñ meñ logoñ ke pindār bik ga.e

achchhoñ ko is jahāñ meñ koī pūchhtā nahīñ

sab pārsā khaḌe haiñ gunahgār bik ga.e

ham muflisoñ ke paas to bikne kā hai javāz

'ārif' batāo kis liye zardār bik ga.e

sab zar-parast the sar-e-bazar bik gae

wo qimaten baDhin ki KHaridar bik gae

ek dusre ki hirs ne andha bana diya

zebaish-e-makan mein ghar-bar bik gae

bhaDki ba-faiz-e-muflisi jab aatish-e-shikam

do roTiyon mein logon ke pindar bik gae

achchhon ko is jahan mein koi puchhta nahin

sab parsa khaDe hain gunahgar bik gae

hum muflison ke pas to bikne ka hai jawaz

'arif' batao kis liye zardar bik gae