saba gulon ki har ek pankhuDi sanwarti hai

sabā guloñ kī har ik pankhuḌī sañvārtī hai

'ajīb Dhang se ye aartī utārtī hai

ufuq pe phir ubhar aa.e haiñ tīrgī ke nasheb

umiid jiitī huī dil kī baazī hārtī hai

lahak ke guzrī hai kuchh yuuñ murād kī ḳhushbū

ki ruuh phir dil-e-hassās ko pukārtī hai

ḳhamosh shahr kī sunsān sard rātoñ meñ

tumhārī yaad mire saath shab guzārtī hai

charāġh-e-hasrat-o-armāñ jalāo.ge kaise

havā-e-dahr to rah rah ke phūñk mārtī hai

sajā.e haiñ baḌī mushkil se 'rind' palkoñ par

jinheñ tum ashk samajhte ho dil kī aartī hai

saba gulon ki har ek pankhuDi sanwarti hai

'ajib Dhang se ye aarti utarti hai

ufuq pe phir ubhar aae hain tirgi ke nasheb

umid jiti hui dil ki bazi haarti hai

lahak ke guzri hai kuchh yun murad ki KHushbu

ki ruh phir dil-e-hassas ko pukarti hai

KHamosh shahr ki sunsan sard raaton mein

tumhaari yaad mere sath shab guzarti hai

charagh-e-hasrat-o-arman jalaoge kaise

hawa-e-dahr to rah rah ke phunk marti hai

sajae hain baDi mushkil se 'rind' palkon par

jinhen tum ashk samajhte ho dil ki aarti hai