saba ka raaz bhi phulon ke darmiyan khula
sabā kā raaz bhī phūloñ ke darmiyān khulā
us ek dar ke tavassut se gulsitān khulā
qafas meñ qaid parindoñ ke par nahīñ khulte
nazar ke sāmne lekin hai āsmān khulā
abhī to lafz bhī āvāz ke bhañvar meñ haiñ
abhī se kaise ma.ānī kā bādbān khulā
falak pe ghor ghaTā.eñ sarāb hone lagīñ
saroñ pe dhuup kā jis vaqt sā.ebān khulā
tamām shahr kī tanhā.iyāñ mukammal haiñ
koī bhī 'hāshmī' lagtā nahīñ makān khulā
saba ka raaz bhi phulon ke darmiyan khula
us ek dar ke tawassut se gulsitan khula
qafas mein qaid parindon ke par nahin khulte
nazar ke samne lekin hai aasman khula
abhi to lafz bhi aawaz ke bhanwar mein hain
abhi se kaise maani ka baadban khula
falak pe ghor ghaTaen sarab hone lagin
saron pe dhup ka jis waqt saeban khula
tamam shahr ki tanhaiyan mukammal hain
koi bhi 'hashmi' lagta nahin makan khula
- Book : Funoon (Monthly) (Pg. 390)
- Author : Ahmad Nadeem Qasmi
- Publication : 4 Maklood Road, Lahore (Edition Nov. Dec. 1985,Issue No. 23)
- Edition : Edition Nov. Dec. 1985,Issue No. 23
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
