saba ye un se kaho ki mujh pe nawazishen be-hisab likhna

'sabā' ye un se kaho ki mujh pe navāzisheñ be-hisāb likhnā

mire muqaddar meñ niiñd likhnā na raat likhnā na ḳhvāb likhnā

vo raushnā.ī kahāñ se lā.ūñ maiñ aise kātib kahāñ se DhūñDūñ

bahut kaThin hai gulāb chehroñ pe dāstān-e-azāb likhnā

maiñ dhuup sahrā meñ Duub jaane kī aarzū meñ taḌap rahī huuñ

mire nasīboñ meñ pyaas likhnā qadam qadam pe sarāb likhnā

tujhe ḳhudā.ī kā vāsta hai mirī duā kī bhī laaj rakhnā

maiñ tujh se umr-e-darāz māñgūñ tū mere haq meñ habāb likhnā

lo terī chaukhaT pe zindagī kā maiñ faisla ab ke le rahī huuñ

tū mere dast-e-savāl par ab koī na koī javāb likhnā

yahāñ zamīneñ khisak chukī haiñ har ek ghar ab ujaḌ chukā hai

mirā makāñ hai abhī salāmat mujhe bhī ḳhāna-ḳharāb likhnā

'saba' ye un se kaho ki mujh pe nawazishen be-hisab likhna

mere muqaddar mein nind likhna na raat likhna na KHwab likhna

wo raushnai kahan se laun main aise katib kahan se DhunDun

bahut kaThin hai gulab chehron pe dastan-e-azab likhna

main dhup sahra mein Dub jaane ki aarzu mein taDap rahi hun

mere nasibon mein pyas likhna qadam qadam pe sarab likhna

tujhe KHudai ka wasta hai meri dua ki bhi laj rakhna

main tujh se umr-e-daraaz mangun tu mere haq mein habab likhna

lo teri chaukhaT pe zindagi ka main faisla ab ke le rahi hun

tu mere dast-e-sawal par ab koi na koi jawab likhna

yahan zaminen khisak chuki hain har ek ghar ab ujaD chuka hai

mera makan hai abhi salamat mujhe bhi KHana-KHarab likhna