sabab-e-tark-e-mulaqat koi hai to sahi

sabab-e-tark-e-mulāqāt koī hai to sahī

na sahī baat magar baat koī hai to sahī

ḳhū-e-taslīm-o-razā ho ki mohabbat kā fareb

ġham-e-jānāñ kī mukāfāt koī hai to sahī

kuchh ta'alluq na sahī phir bhī ba-majbūrī-e-shauq

mā.il-e-pursish-e-hālāt koī hai to sahī

munfa'il apnī jafāoñ pe koī hai shāyad

chashm pur-nam hai na.ī baat koī hai to sahī

haa.e vo be-ruḳhī-e-husn ki jis meñ pinhāñ

pahlū-e-husn-e-murā’āt koī hai to sahī

ruḳh-e-raushan se numāyāñ haiñ sahar ke āsār

shām-e-gesū meñ nihāñ raat koī hai to sahī

pīr-e-mai-ḳhāna kahīñ hazrat-e-'aḳhtar' to nahīñ

dekhnā rind-e-ḳharābāt koī hai to sahī

sabab-e-tark-e-mulaqat koi hai to sahi

na sahi baat magar baat koi hai to sahi

KHu-e-taslim-o-raza ho ki mohabbat ka fareb

gham-e-jaanan ki mukafat koi hai to sahi

kuchh ta'alluq na sahi phir bhi ba-majburi-e-shauq

mail-e-pursish-e-haalat koi hai to sahi

munfa'il apni jafaon pe koi hai shayad

chashm pur-nam hai nai baat koi hai to sahi

hae wo be-ruKHi-e-husn ki jis mein pinhan

pahlu-e-husn-e-mura’at koi hai to sahi

ruKH-e-raushan se numayan hain sahar ke aasar

sham-e-gesu mein nihan raat koi hai to sahi

pir-e-mai-KHana kahin hazrat-e-'aKHtar' to nahin

dekhna rind-e-KHarabaat koi hai to sahi